Lizartzako udalak NEXT GENERATION dirulaguntza jaso du auzo konpost guneak berritzeko 2025·07·14

AUZO KONPOST GUNE BERRIAK DAGOENEKO FUNTZIONAMENDUAN DAUDE

Lizartzako udalak herriko 4 konposta gune berritu ditu. Zehazki Urondoa kaleko, Eskola ondoko, Frontoi ondoko eta Elbarrena auzoko konpost guneak berritu dira. Lan hauek aurrera eramateko Lizartzako Udalak Europar Batasunak finantzatutako Next Generation EU berreskuratze-, eraldatze- eta erresilientzia- planaren esparruko dirulaguntza bat lortu du, zehazki, hondakinen araudia ezartzen eta ekonomia zirkularra Euskadin sustatzen laguntzeko dirulaguntza. Lanen kostua 14.474,52 eurokoa izan da eta lorturiko dirulaguntza 10.748,19 eurokoa izan da.